終於試了上次買的麪豉湯了, 味道一般, 豆腐經熱水一沖後變得很難食, 好像浸了水的面包一樣, 大家不要試。

今次我又去了city super買麪豉湯包(見上圖), 今次的麪豉湯很好飲, 味道較濃, 而且豆腐經熱水沖後都不會像發水面包一樣難食。加上價錢比較平, 只需11元便有4包湯包 (上次是20元3包) , 很好味~~~

我很喜歡飲湯,原因可能因為媽媽每天都會煲湯的關係吧,一日不飲湯, 整個人會不知怎的。小時候常看媽媽煲湯,亦都學會了煲不同種類的湯,不過因為懶的關係,所以不太常煲湯, 哈哈。

很久以前已經迷上了麫豉湯,每次去食壽司都一定會點麫豉湯,然後再評價。之前去city super,看到很多麫豉湯湯包, 口水已經直流了, 所以忍唔住買了一包試試,味道如何還未知道, 待明天食飯的時候沖一包試試便知了1

我已經決定試煮麫豉湯了, 親手煲的湯應該較其他地方的湯好飲的...

大學時代的一位好友KELLY出了一本烹飪書, 當我知道出版後便急不及待的跑到書局買了一本。KELLY設計的菜式很有創意, 我比較喜歡甜品的款式, 看後真的會肚子餓的, 真的想試試看。我一邊看,一邊很感動。一方面替她高興, 因為她在烹飪方面真的很有天份。另一方面, 我不斷回想起大學時代的片段。

在大學時候, KELLY常弄東西結我們幾位朋友食, 令我們大飽口福........我又回想起我倆在YEAR 2時, 在SURVEY LAB做TELEPHONE INTERVIEW的時候去HALL CAN 兩人食一個三寶飯.....我們在CANTEEN食意粉的時候, 一定會狂加芝士粉,令到CANTEEN的芝士粉短缺......我們一起做PAPER, 還因文字方面的表達問題而吵架.......放學後, 我們會約卡文, 阿欣去樂富吉之島食三文魚壽司......我們會談心事, 我還記得有幾次你眼睛紅了....

一段段回憶, 令我覺得認識你是一件很幸福的事。現在大家都在社會工作了, 見面的時間少了, 但我希望大家的友誼不會因此而疏遠, 大家的心都不會因為社會的殘酷而變得冰冷。亦因為你的成功,令我有勇氣去重拾自己的興趣, 謝謝你。

 PS: 我會嘗試去做你設計的菜式, 哈, 有不明白的地方, 我會打電話給你的,嘻

Openrice食評 – 薈江南京川滬料理(旺角新世紀廣場5樓 foodcourt)

我同女朋友見呢間野係成個foodcourt最平，咁就幫襯佢地啦。

佢叫左$22的上海粗炒，有一杯豆漿，有個粉絲湯。個上海粗炒就又冇肉又冇菜，淨係得麵，仲有陣梘水味；杯豆漿就溝哂水；粉絲湯就不過不失啦。

我叫左$28的回鍋肉套餐，有個菜飯，有個酸辣湯，仲有杯柑桔蜜。我都係貪佢有酸辣湯飲，點知一飲落去，嘩！得個酸字，仲要係不尋常的酸，好似變壞左咁，飲左兩啖就頂唔順；個菜飯硬掘掘，又係有怪味，都唔知D飯熟未；回鍋肉還可以，但杯柑桔蜜應該又係溝左好多水。

o係我地講緊D野有幾難食o既時候，原來隔離兩位小姐都都中左招，又係買左返黎食左幾啖就頂唔順。隔離位小姐好似係食糖醋魚，話D野食"肅"左。佢仲話見到之前有人叫左個雲吞雞，食淨成三份二就走左……

我女朋友頂唔順，食左幾啖就食唔落，話要買其他野食。咁我條氣又唔順，就拎返我個餐同佢講話ｄ野有問題啦，佢地D態度又差，我話個酸辣湯有問題，有個阿姐仲話「酸辣湯梗係酸架啦！」唔好玩我啦，我又唔係未飲過酸辣湯，都未飲過咁難飲的酸辣湯。有個阿姐態度好差咁問我想點，另一個阿姐就話「佢都係想唔俾錢姐」，咁就退返錢俾我。

本來都算啦，退返一個餐錢，我同女朋友買碗雲吞麵share就算。我都唔好意思叫佢退埋另一個餐，當自己唔好彩就算。不過見佢頭先態度咁差，咪拎返盤上海粗炒俾佢，同佢講「D野咁難食，我還返俾你」。點知個阿姐仲聲大大咁我玩野搞搞陣，仲叫我報警！又話淨係得我一個覺得佢地D野有問題。我咪話唔係呀，係四個人都覺得你地D野食有問題呀！

跟住仲好笑，佢話我隔離個小姐都唔係幫襯佢。果兩位小姐都睇唔過眼，出黎幫我口，個阿姐仲係咁鬧鬧鬧，結果個小姐打埋去食環署……我本來都想投訴埋佢碗酸辣湯同菜飯，不過食環署個職員話佢退返錢俾你，就即係冇賣過俾你架喇！原來係咁，所以順便提一提大家，如果ｄ野食真係有問題要call食環署，千奇唔好俾人收返D野食。

總之呢間野就呢世人都唔會再去架喇！